💡 一句總結

鉑源林 AUVERLIN 為寫字樓、商舖、餐廳、診所、學校、貨倉同工廈單位清洗冷氣,包括分體機、窗口機、天花卡式機同風喉機(Fan Coil)。WhatsApp 9503 0395 提供機種、部數、地區同想做深層清洗定定期保養,我哋會發正式報價單(一般同日內)。一年 4 次或以上合約全年九折。

邊類場所可以洗?

  • 寫字樓、辦公室:分體機、天花卡式機、風喉機。
  • 商舖、花店、美容院、零售店:可以配合開舖前或者收舖後時間。
  • 餐廳、食肆:廚房附近嘅冷氣油污較重,報價會列明油污清洗附加費。
  • 診所、學校、補習社、機構:可以安排定期清洗,全年日期預先排定。
  • 貨倉、工廈單位、工作室:同一地址幾間房嘅冷氣可以一次報價。

洗邊啲冷氣?

機種可以做
分體機(掛牆)拆開深層清洗;或者只清隔塵網、出風口同機殼
窗口機拆開深層清洗;或者只清隔塵網、出風口同機殼
天花卡式機(四面出風)拆面板、隔塵網同接水盤,高壓清洗蒸發器同去水盤
風喉機/Fan Coil(3 匹或以下)深層清洗;或者只清隔塵網、散流器
風喉機超過 3 匹、座地機、VRV、中央冷氣由負責同事睇相或者上門睇位,再另行報價

想加高溫蒸洗同澳洲 AerisGuard 抗菌防霉處理,可以喺查詢時講,報價單會分開列明。

深層清洗定定期保養?

拆開深層清洗

拆開機殼,用高壓水清洗蒸發器、風輪同滴水盤,疏通去水喉。適合一段時間冇洗、有異味、滴水或者出風弱嘅冷氣。

定期清潔保養(輕量)

清洗隔塵網(拆出洗淨、晾乾後裝回),清潔出風口、散流器同機殼外部。適合人流多、要定期保持空氣質素嘅場所,配合每年幾次嘅深層清洗效果更好。

定期合約九折:一年 4 次或以上嘅定期清洗,全年費用九折,簽約時一次過付清,全年日期可以預先排定。

點樣攞報價?

  1. WhatsApp 9503 0395:講公司名稱、地區(有地址更好)同場所類型。
  2. 提供冷氣資料:機種同部數(唔肯定係咩機,影張相就得)、想做深層清洗定定期保養、一次性定每年幾次。
  3. 確認現場:有冇機位離地高過 3.5 米、單位內有冇廁所或者水喉、附近有冇電掣、要唔要晚上或者假日開工。
  4. 收正式報價單:一般同日內發出,網頁版可以直接下載 PDF,方便交公司批核或者蓋章。
  5. 確認日子:揀方案同上門日子,師傅按時上門。

機位超過 3.5 米、風喉機超過 3 匹、要開天花檢修口或者拆風喉、晚上或假日開工,負責同事會睇相或者上門睇位再報價。

現場要準備啲咩?

  • 水源同洗零件位置:例如單位內廁所;得洗手盆都得,師傅會自備工具接駁水喉。
  • 電源插座:師傅部高壓清洗機要用電,請預留就近插座。
  • 冷氣下面嘅空間:師傅要擺工作梯,電腦、貨品可以先移開,或者由師傅用防水布包好。
  • 大廈登記:商業大廈要登記、預約貨梯或者有出入限制,請預先講。

點解揀鉑源林 AUVERLIN

  • 持牌師傅上門:上門師傅持有機電工程署「註冊電業工人」牌照。
  • 已投商業保險:保障工程期間意外(最高賠償一萬元)。
  • 洗前洗後相片:每次完工後 WhatsApp 傳送清洗前後相片,方便向公司匯報。
  • 正式報價單同收據:報價單可下載 PDF,收款後發正式電子收據。
  • 2017 年成立:全港 18 區上門。

商業冷氣清洗常見問題

商業冷氣清洗點樣收費?

按機種、部數、深層清洗定定期保養、每年次數同地區計算。WhatsApp 提供資料之後,我哋會發正式報價單(網頁,可下載 PDF),一般同日內發出。

洗唔洗天花卡式機同風喉機(Fan Coil)?

洗。天花卡式機(四面出風)同 3 匹或以下嘅風喉機都可以按價目報價;超過 3 匹、要開天花檢修口或者拆風喉,會由負責同事睇相或者上門睇位再報價。

有冇定期保養合約?

有。一年 4 次或以上嘅定期清洗合約,全年費用九折,簽約時一次過付清,全年日期可以預先排定。

可唔可以喺非營業時間清洗?

一般服務時間係每日 8AM–9PM。晚上或者假日要清場先可以洗,請喺查詢時講明,同事會另外安排同報價。

現場要準備啲咩?

需要一個師傅可以攞水同洗零件嘅位置(例如單位內廁所或者洗手盆,師傅會自備工具接駁水喉),同埋就近嘅電源插座畀高壓清洗機用。

幾時付款?

單次清洗完工驗收後付款,可以用 FPS、PayMe 或現金;全年合約簽約時以 FPS 一次過付清。收款後會發正式電子收據。

商業冷氣清洗報價

提供機種同部數 · 一般同日發正式報價單 · 每日 8AM–9PM

WhatsApp 索取報價單 →

電話 9584 7696 · info@auverlin.com

住宅冷氣:洗冷氣價錢 · 洗分體式冷氣 · 洗窗口式冷氣 · 冷氣幾耐洗一次